「蒲書館」喺獅子山腳咁耐，終於有機會見到獅子腳喇！！！
#香港學生輔助會 一班小獅兄果然龍精虎猛，嗰頭完成舞獅表演，衫都唔換就撲過嚟幫宿舍揀書，文又得武又得，得咗！
小朋友最清楚小朋友鍾意睇咩書！喺今次 #無上限選書計劃 之中，佢哋揀咗近120本好書， 呢批圖書會放喺宿舍嘅公共空間，同其他宿生分享
.
「蒲書館」有逾萬本書籍，大人細路嘅讀物都有㗎！定價大約$20-$30左右，價格相宜。中小學老師/NGO朋友們，歡迎大家購買書券，獎勵喜歡睇書嘅同學/會員，詳情可以PM我哋！
_________________________________
睇書係快樂的，多啲人喜歡睇書更加快樂！「蒲書館」社區書店書籍大部分以原價約三成出售。如果資源有限，「書送快樂」有兩項免費選書計劃接受預約，有興趣嘅老師同社工朋友，快啲約我哋啦
.
「書送快樂」(IR No 91/10408) 是政府註冊慈善團體，成立於2009年，開宗明義，宣揚看書能帶來無限快樂。13年來，我們把逾17萬本很新的舊書回流至有需要社群及愛書人手上。主辦各類型文化活動逾百項，期能令看書成為生活一部份。
.
歡迎小額捐助，補貼租賃旅遊車及「蒲書館」營運開支。捐款連結在留言區。
.
「書送快樂」旗下項目「蒲書館」社區書店，逢周四至周日1-6pm開放，有書，有風景！
◇ 新蒲崗雙喜街17號富德工業大厦19樓A室