.png)
四月尾一連兩日，「蒲書館」都有 #書送快樂行活動，參與學校分別係 #仁濟醫院羅陳楚思中學同 #東華三院辛亥年總理中學，每位到場同學仔均獲派$100書券，用嚟換取心頭好。
.
仁濟醫院羅陳楚思中學副校長同葉Sir 特別預留時間，畀同學揀完書後圍圈介紹自己揀嘅書，一齊分享，一齊成長！有個同學仔鍾意西方文學，話喺書架一見到《#西西弗斯的神話》同《#愛倫坡驚悚小說全集》，就愛不惜手。
.
東華三院辛亥年總理中學負責老師幾年前帶過學生嚟「蒲書館」參與書送快樂行，今次亦有透過 #無上限選書計劃 為學校圖書館增添藏書。見到同學仔開開心心喺茫茫書海中尋到寶，小編都好為佢哋高興呀！離開前，部分同學重喺「蒲書館」嘅玻璃窗留下塗鴉創作，你睇畫得幾認真！約定你哋，下次見！
_________________________________
睇書係快樂的，多啲人喜歡睇書更加快樂！「蒲書館」社區書店書籍大部分以原價約三成出售。如資源有限，「書送快樂」有兩項免費選書計劃接受預約，有興趣嘅老師同社工朋友，快啲約我哋啦：https://www.read-cycling.org/free-books-programs
.
「書送快樂」免費選書計劃過去三年，向逾270間學校及社褔團體轉贈書籍逾35,000本。歡迎小額捐助，補貼租賃旅遊車及「蒲書館」營運開支：https://www.read-cycling.org/donate
.
「書送快樂」 (IR No 91/ 10408) 旗下項目「蒲書館」社區書店，逢周四至周日1-6pm開放，有書，有風景！
◇ 新蒲崗雙喜街17號富德工業大厦19樓A室
.
想瞭解更多「書送快樂」：https://www.read-cycling.org/
.
.
.