TVB血淚屎 (偽文豪)

喺大台，助理編導(PA)無非係食物鏈嘅底端、鬥獸棋入面嘅老鼠、《多啦A夢》入面嘅野比大雄、《進擊的巨人》裡面被巨人咬甩個頭嘅路人，另外仲有《國產凌凌漆》入面，明明係盲人卻畀人屈成偷睇國防機密嘅黃一飛。
 
呢本書主要講述偽文豪喺TVB做PA拍劇時嘅經歷，辛酸史一定有好多，譬如話啲演員塊臉有幾西啦，導演有幾惡、要求有幾無理啦，電視台係幾咁刻薄啦等等，呢啲都一定會向大家娓娓道來。
 
「這本書的作者，叫「偽文豪」，我識佢好耐，佢讀中學的時候，已經係一個詩人，亦係一個溝死女嘅靚仔 (相信而家都係)，佢夢想有一日，會成為一個類似村上春樹的作家，我睇過佢嘅詩，好掂 (我讀新詩通常毛管戙，他的詩絕對係例外)。
 
不過，命運往往就係要玩你，我以為佢出的第一本書會係類似董橋及董啟章果類文集小說，點知佢嘅第一本大作，竟然係呢本充滿廣東話充滿粗口而且由封面到書名都極度惡俗的《TVB血淚屎》。
...
 
他重新寫一封給TVB的辭職信︰『所謂嘅地獄唔係有幾辛苦，所謂嘅地獄係你做唔返自己，一個人做唔返自己，咁就算得到幾多，都冇L 用。我記得有個TVB 演員同我講過，佢話佢好多謝TVB，因為自從佢辭職離開公司，佢覺得邊度都係天堂。』」
— 區家麟