是咁的，我嘅職業係幫人寫遺書 （做金庸的男人）

致嗰啲對人生失望透頂嘅朋友：
是咁的，我嘅職業係幫人寫遺書，有意者可pm或WhatsApp我。如果你想自己生前最後一份感情表達得好啲，同埋有咩身後事想交低，我諗我可以幫到你。BTW最好畀我見證斷氣一刻啦。
 
遇過嘅客無一百都有幾十，做援交嘅女仔、壓力爆煲嘅中大醫學生、痴情嘅金融才俊、被同學欺凌嘅小學生……佢哋從來唔係睇得人命太輕，而係將問題睇得太重。
 
我幫人寫遺書，亦係一種贖罪，直到有日要寫自己嗰封。點知命運好似要玩我一鑊甘，被我遇到個對我窮追猛打嘅女記者，亦都係處理過最棘手嘅case……因為，我發現自己唔想佢死。
 
「如果死咗，就永遠無可能遇上能夠拯救自己嘅人。」
 
作者簡介
做金庸的男人，在二十一歲時在討論區連載《是咁的，我嘅職業係幫人寫遺書》大受好評，誤打誤撞出道成為作家，維持每年推出一至兩部小說的產能。身兼編劇、作家、寫作班導師多職，亦自資聘請香港漫畫家把出道作改編成漫畫。著有：《是咁的，我嘅職業係幫人寫遺書》、《是咁的，我覺得我住嗰度有啲唔妥》、《是咁的，我嘅職業係PTBF》、《是咁的，我嘅職業係動物傳心師》、《是咁的，照顧過我嘅護士死咗》等。