google-site-verification: google1673b2117cb94912.html
top of page

買不到的奇蹟


套書爭一本至齊全,你會唔會囉囉攣?上周日(26/11)喺 #零碳天地 嘅綠色市集,上演了一幕驚喜尋寶記!有小朋友家裏的宮西達也「霸王龍系列」缺了一冊,但買極買唔到,估唔到喺「書送快樂」小檔口的流動送書箱揀下揀下,奇蹟相遇!

.

重係唔駛錢添!Yay

.

又有另一位小朋友同我哋講,幾年前跟學校嚟過我哋嘅社區書店「蒲書館」參與「書送快樂行」,印象深刻,想第日幫手做義工。好啊!滿12歲就可以㗎喇!嚟啦嚟啦

.

呢個活動好有意義,除了社企同NGO,唔少人都會帶自己暫時唔用嘅物品,到場「以物易物」。近年越來越多購物節,淨係計11月就有「雙十一」同「黑色星期五」。商家透過各種促銷活動,鼓勵消費,我哋不知不覺買咗好多自己唔需要嘅嘢,呢個市集,令我哋可以反思自己嘅購物習慣。

.

最後要感謝熱心義工幫手看檔,令活動順利進行,我哋下次再見!

_________________________________

「書送快樂」(IR No 91/10408) 是政府註冊慈善團體,成立於2009年,開宗明義,宣揚看書能帶來無限快樂。13年來,我們把逾17萬本很新的舊書回流至有需要社群及愛書人手上。主辦各類型文化活動逾百項,期能令看書成為生活一部份。

.

「書送快樂」旗下項目「蒲書館」社區書店,逢周四至周日1-6pm開放,有書,有風景!

◇ 新蒲崗雙喜街17號富德工業大廈19樓A室


bottom of page