google-site-verification: google1673b2117cb94912.html
top of page

快樂是:Go Green


#香港復臨學校 一班同學前排嚟到「蒲書館」參與「Go Green」工作坊,同埋 #書送快樂行,由HKU義工同學接待。

.

佢哋向同學仔介紹咗唔少本地嘅綠色理念同應用狀況,原來日常生活中,好多物品都可以通過回收改造,重新獲得第二次、甚至第三次嘅生命!

.

今次能夠踏出課室,嚟到「蒲書館」呢間綠色社區書店,直接感受環保文化,同學仔都好興奮,積極舉手回答義工設置嘅「Green Quiz」問題。

.

同學仔仲一齊同義工學做「蝴蝶書角」。喺「蒲書館」尋寶成功嘅同學仔,迫不及待將蝴蝶書籤夾喺愛書裏面,真係即學即用!


_________________________________


睇書係快樂的,多啲人喜歡睇書更加快樂!「蒲書館」社區書店書籍大部分以原價約三成出售。如果資源有限,亦可以參加「書送快樂」免費無上限選書計劃;我哋亦歡迎大家購買書券,獎勵喜歡睇書嘅同學/會員。有興趣嘅中小學老師同NGO朋友們,快啲約我哋傾傾啦😊


「書送快樂」旗下項目「蒲書館」社區書店,逢周四至周日1-6pm開放,有書,有風景!

◇ 新蒲崗雙喜街17號富德工業大厦19樓A室



bottom of page