google-site-verification: google1673b2117cb94912.html
top of page

Booktrip之趣味觀察🔎




今個月17號,鴨脷洲街坊學校嘅同學仔嚟咗「蒲書館」參加「書送快樂行」。繼去年夏天,今次學校已經係第二次參加活動啦!多謝支持!

.

今次嘅書券繼續由 #香港南區扶輪社 贊助,每位同學都有$100,「書送快樂」特此致謝!

.

同學今次除咗揀書畀自己,重有個任務,就係幫學校圖書館透過「無上限選書計劃」揀書。短短半個鐘,佢哋就幫圖書館揀咗三百幾本書啦!

.

我哋發現一個頗有趣嘅現象:低年班嘅同學鍾意揀青少年讀物書畀高年班同學,高年班同學反而揀咗好多繪本畀低年班同學。好有愛,好有默契呀!

.

今次揀書嘅氣氛都相當之好,唔少同學都搵到自己嘅心頭好。有位喜愛天文科學嘅同學一嚟到就揀咗霍金嘅書;有同學搵到一本老夫子嘅漫畫開心到跳起;重有同學靜靜坐低睇繪本,睇完一本又一本。

.

睇書係快樂的,多啲人喜歡睇書更加快樂!「書送快樂」免費選書計劃現正接受預約,有興趣嘅老師同社工朋友,快啲約我哋啦:https://www.read-cycling.org/free-books-programs

.

「書送快樂」免費選書計劃過去三年,向近100間學校及社褔團體轉贈書籍逾35,000本。歡迎小額捐助,補貼租賃旅遊車及「蒲書館」營運開支:https://www.read-cycling.org/donate

.

_________________________________

「書送快樂」 (IR No 91/ 10408) 旗下項目「蒲書館」,逢周四至周六1-6pm開放,有書,有風景!

◇ 新蒲崗雙喜街17號富德工業大厦19樓A室

.

想瞭解更多「書送快樂」:https://www.read-cycling.org/

.

上網買書支持我們:https://www.read-cycling.org/book-shopping

.

有興趣捐書嗎:https://www.read-cycling.org/book-donation-guideline

bottom of page