google-site-verification: google1673b2117cb94912.html
top of page

精彩回顧:綠色書本美化花盆工作坊🌱


喺圖書館畫畫,你試過未呢? . 「書送快樂」年初收到 #嗇色園主辦可銘學校 邀請,希望我哋可以為同學們舉辦與書有關的環保工作坊,以慶祝世界閱讀日。我哋於是準備咗一批有破損、發黃程度較嚴重嘅書籍做今次嘅活動嘅主要材料,於上月中喺學校圖書館舉辦 #綠色書本美化花盆工作坊,畀同學與家長齊齊發揮創意,喺用舊書製成嘅花盆上繪畫,設計出一個個獨一無二嘅環保花盆。 . 校方以「故宮」為主題,我哋有美術底嘅萬能小編選取並簡化咗有故宮風嘅圖案,再化身為繪畫導師,親自落場指導同學上色技巧。啲作品出到嚟好有味道呀! . 今次嘅花盆工作坊,我哋幾年前都有舉辦過,深受歡迎。但當初嘅製作手法已經失傳,多謝手作人Reus 幫我哋研究製作方法,用極短嘅時間完美復刻呢個舊書花盆,先有今次活動睇得又用得嘅製成品 . 如果你服務嘅團體或企業對升級再造花盆工作坊有興趣,馬上PM我哋啦! _____________________________________ 「書送快樂」(IR No 91/10408) 是政府註冊慈善團體,成立於2009年,開宗明義,宣揚看書能帶來無限快樂。13年來,我們把逾17萬本很新的舊書回流至有需要社群及愛書人手上。主辦各類型文化活動逾百項,期能令看書成為生活一部份。 .

「書送快樂」旗下項目「蒲書館」社區書店,逢周四至周日1-6pm開放,有書,有風景!

bottom of page