異靈異靈解密

大家有冇發現，最近「書店快樂」嘅書多咗，post入面嘅相又多咗人👻👽🎃...

.

唔使驚，呢個唔係靈異post。上述現象係因為有4位實習學生嚟咗「書送快樂」幫手啫。

.

佢哋分別係來自恆生大學嘅Sindy，以及香港大學嘅Angela、Celia同Freya，全部都係熱心又鍾意為社區做啲事嘅愛書人。

.

近排逢星期五發布嘅「書店快樂冷知識」，就係由Sindy主動提議兼負責嘅。香港大學嘅同學則幫手接待「無上限選書計劃」嘅來訪學校/NGO，另外亦諗緊一啲環節，遲啲同上嚟「蒲書館」揀書嘅朋友一齊玩。

.

大家見到佢哋嘅post，不妨撳個like同share鼓勵下佢哋吖。