.png)
「我真係好鍾意返工呀！」黃子華都講過，但講得出呢句一定係鬼上身。作為一個喺香港土生土長嘅人，點會唔明香港工作壓力有幾大呢？但係你又知唔知，原來香港人最鍾意去旅行嘅地方之一 - 台灣，工作壓力比起香港有過之而無不及？甚至已去到平均每十日就有一個人過勞而死嘅恐怖現象？！
.
過勞死 - 可能喺你印象中只係少數低技術勞工嘅處境，或者係某啲特定血汗工廠嘅案例。但其實台灣嘅過勞現象已經蔓延到其他產業，例如工程師、醫護、社工、媒體工作者等。
.
徐紹斌正正係一個活生生嘅例子。佢喺一間大公司度做工程師，每日都要最少加三到五個鐘班，更加誇張嘅係，有次因車禍導致下顎同手腳多處骨折，但因工作繁重，所以雖然醫生建議必須休息三個月，但佢只係住院五日之後就復工。
.
或者有人會質疑：「點解要做到過勞而死，辭職咪得囉！」但打工仔唔通真係有得揀咩？因為經濟差，工作機會少，佢哋冇辦法輕易離職，唯有死撐最後就會跌入過勞而死嘅深淵。
.
呢啲實際案例睇起嚟離我哋好遠，但又確實同我哋存在喺同一個真實世界入邊。想了解更多台灣嘅過勞文化，又或者想知道自己有冇過勞嘅徵兆？睇今期「書店快樂」最新上架嘅《過勞之島》，同你一齊對抗過勞，準時收工！
.
我哋重有好多好書㗎，嚟望下啦：https://www.read-cycling.org/book-shopping
Comentários